Unha tempada mais botan a andar as Escolas Deportivas Municipais do Concello de Vigo, organizadas polo Instituto Municipal dos Deportes, e das que o noso club é o encargado de leva-las adiante, no Pavillón de Lavadores.

Agradecemos o I.M.D. a confianza que ano tras ano deposita no noso Club, no traballo que facemos en pro do balonám e o que é mais importante, na formación física e humán d@s nos@s xoves xogadores.

Facemos pois unha chamada a tod@-l@s nen@s da Parroquia, para que vos animedes a participar e disfrutar connosco do Balonmán, e vos anotedes na nosa escola a partires do primeiro de setembro.

Animadevos!!! Vos agardamos!!!

Balonmán na rúa 17/05/2010

Lista de trámites

Inscrición nos Programas Municipais de Escolas Deportivas

Os obxectivos deste programa son:

- Promover, potenciar e recoñecer a actividade desempeñada polas entidades deportivas, recoñecidas polo Concello co indicativo de calidade, na promoción da súa modalidade deportiva.

- Fomentar a práctica deportiva entre os alumnos como complemento á súa actividade física.

- Educar nos valores de cooperación e solidariedade no desenvolvemento dunha actividade deportiva.

- Recoñecer as súas capacidades no desenvolvemento dunha actividade deportiva.

Potenciar as súas capacidades físico - deportivas.

A quen está dirixido

Calquera alumno en calquera entidade para o desenvolvemento da modalidade deportiva desexada, que cumpran os requisitos de idade de cada modalidade deportiva ofertada, sempre e cando haxa prazas e por rigurosa orde de inscripción.

A idade xeral de matriculación é para tódolos nenos nacidos entre o ano 1993 e 2003, inclusive. Tódolos nenos que se matriculen no plazo de inscrición permanente ata o mes de Abril deben ter cumplidos os seis anos de idade. Calquera alteración na data de nacemento será motivo de exclusión das escolas.

Como facelo Presencialmente

Deberáse entregar nas oficinas do I.M.D. a ficha de inscrición debidamente cumprimentada (os menores de 6 anos denerán presentar ademáis fotocopia do libro de familia cotexado co orixinal ou documento acreditativo da data de nacemento), xunto co xustificante da transferencia bancaria do pagamento da taxa da matricula . Nese momento o alumno deberá cumprimentar o carné que se le fará entrega no momento da inscrición o que lle deberá engadir unha foto tamaño carné. Este carné será o documento acreditativo que se lle poderá requerir en calquera momento na instalación onde se desenvolva a escola.

Pago: 39,35 €

Formas de Pago:

- Alumnos antigos: O pago realizarase por transferencia bancaria en Caixanova.

- Alumnos novos: O pago do prezo da matricula poderase ingresar, unha vez confirmada a praza, na conta de Caixanova.

Número de conta Caixanova: 2080006530/0040022908

Exención:
Estarán exentos de pago os alumnos pertencentes a unidades familiares que non superen os seis mil euros anuais. Para elo deberán presentar a documentación acreditativa que o xustifique (Declaración de Facenda ou xustificante de Facenda que indique os seus ingresos).

Pre-inscripción:
Nas modalidades que necesiten pre-inscripción, esta entregarase nas oficinas di IMD. Para que se poida realizar a modalidade deberá haber un mínimo de 15 alumnos. Para confirmala deberán chamar por teléfono, a partir do 25 de setembro e ata o 26 de setembro, ao número 986 236 809 ou achegarse as oficinas do IMD.

Documentación requirida

Solicitude de Inscripción (2 copias)
Xustificante da Transferencia Bancaria
Do pagamento da taxa da matrícula.
O Carné
Debidamente cumprimentado coa foto.
Este faráselle entrega no momento da inscripción.
Documentación Complementaria
Se opta a exención do pagamento, deberán presentar documentos acreditativos que o xustifiquen (declaración de facenda ou xustificante de facenda que indique os seus ingresos).
Os nenos de 6 anos
- Libro de Familia
  Fotocopia compulsada
  ou documento acreditativo da data de nacemento.

Observacións

- Ó longo do curso desenvolveranse competicións internas nas diferentes modalidades deportivas e xornadas de clausura das diferentes modalidades.

Prazos:

Primeiro Prazo de Inscripción: Do 5 o 22 de setembro.

Alumnos antigos:

Do 3 ao 4 de setembro, ámbolos dous incluidos, soamente alumnos de patinaxe.

Do 8 ao 10 de setembro, ámbolos dous incluidos, soamente alumnos de ximnasia rítmica.

Do 14 ao 17 de setembro, ámbolos dous incluidos, alumnos antiguos de todas as modalidades e alumnos que queiran cambiar de modalidades.

Os alumnos antigos que queiran matricularse nos prazos anteriores deberán traer o ingreso en banco formalizado.

Alumnos novos e antigos (estes últimos, que non se matricularan nos seus prazos correspondentes):

Do 21 ao 24 de setembro, alumnos de novos e antigos de todas as modalidades.

Estes alumnos non deberán realizar o ingreso no banco ata confirmar praza.

Segundo Prazo de Inscripción: Do 5 ao 3 de outubro nas modalidades con prazas libres.

Outros Prazos de Inscripción: Unha vez finalizado o segundo prazo de inscripción, ábrese un prazo permanente durante todo o curso ata o mes de abril, inclusive. Dende o 10 ao 22 de cada mes, nas modalidades que indique o IMD, sempre que haxa prazas vacantes e cumprindo con todos os requisitos de inscripción.

Oficinas

- Instituto Municipal dos Deportes

Avda. de Castrelos 1

Horario: De 8:30 a 13:00 horas do 15 de Xuño ata o 15 de Setembro.
De 9:00 a 13:30 horas o resto do ano.

Nota de prensa 20/08/2009

A Concellería de Deportes oferta 4.200 prazas nas escolas deportivas municipais para o curso 2009/2010

Vigo, 20 de agosto de 2009.- As escolas deportivas municipais comezarán este ano o 1 de outubro e prolongaranse durante oito meses ata o 30 de maio. Xabier Alonso, concelleiro de Deportes, e Ángel Lago, director do Instituto Municipal dos Deportes, presentaron hoxe un novo curso, no que a concellería investirá 150.000 euros e para o que se programou o ensino de 28 modalidades deportivas para os nenos e nenas, ofertando unhas 4.200 prazas para nenos e nenas empadroados en Vigo e nacidos desde 1993 a 2003, aínda que tamén hai catro programas para adultos maiores de 18 anos e baloncesto e natación para persoas con discapacide física e psíquica.

“É un dos programas máis importantes da nosa Concellería; a función básica das escolas é a social e a opción de que os nenos se inicien na práctica deportiva”, subliñou o concelleiro nacionalista sobre as escolas. Para el, trátase de que os alumnos “entren en contacto co deporte, aprendan, gocen e se enganchen. Se despois chegan os éxitos, pois moito mellor, pero cremos que é indispensable a formación deportiva, que fará adultos máis solidarios, con máis capacidade de afrontar as dificultades da vida”, dixo.

As escolas deportivas, que no curso 2008/2009 tiveron 3.400 alumnos e alumnas inscritos, increméntanse de novo para este ano; así, haberá algunhas novidades como a loita e a loita galega tradicional (baixo a supervisión da Federación Galega de Loita) e o taekwondo (impartido pola Asociación Deportiva Budo Castrelos) no que se refire ás idades de formación, e a defensa persoal (A.D. Famu) en canto ás escolas para adultos. Os clubs máis importantes da cidade e, onde estes non chegan, as propias federacións, apoian os programas cos seus adestradores e monitores nas pistas do IMD.

“Cremos na diversidade dos programas e aínda que sabemos que algún non se enche (os tradicionais si ao 100%), é bo que todos eles teñan cabida nas escolas”, sinalou Xabier Alonso. Os prezos son moi alcanzables: 39,35 euros por curso para nenos e nenas, 101,20 euros para a natación sincronizada e 117,85 euros para os adultos.

O IMD abrirá en setembro cinco prazos de matrícula de forma graduada: para as antigas e antigos alumnos de patinaxe (3 e 4 de setembro), para as antigas e antigos alumnos de ximnasia rítmica e tenis (8 ao 10 de setembro), para as antigas e antigos alumnos de todas as modalidades (do 14 ao 17 de setembro), para os novos e antigos alumnos de todas as modalidades (do 21 ao 24 de setembro) e do 29 ao 30 de setembro para os adultos nas súas catro modalidades (defensa persoal, tenis de mesa, tiro con arco e xadrez).

Haberá un segundo período de matrícula do 5 ao 23 de outubro nas modalidades que haxa prazas libres, e unha matrícula aberta de forma permanente entre o 10 e o 22 de cada mes de novembro a abril