NOTA DE PRENSA
A Unión Balonmán Lavadores en cada tempada desenvolve e participa en diferentes iniciativas contra a Violencia de Xénero e por unha sociedade igualitaria e inclusiva.
Nesta semana, e tan preto do 25 de novembro, o acto central dunha loita, que ten que ser cada día, será o sábado 20 ás 19:30 cun partido amistoso do equipo feminino CdeC Lavadores de Primeira Autonómica contra o De Pueblo Carnicería Bm. Pabellón de Ourense, que virá rodeado de diferentes actividades dos equipos da Base.
A Violencia de Xénero preséntase de diferentes xeitos: físico, psicolóxico, económico, verbal, vicario, social... E dende todos os estamentos da Unión Balonmán Lavadores queremos dicir un NON claro e contundente a todos eles. Para conseguir unha sociedade xusta, libre e con futuro, todos os pasos son necesarios e tamén no deporte debemos dicir ben alto NON á Violencia de Xénero.